Maria Branyas Morera Longevity Secret: वाढत्या वयाबरोबरच बऱ्याच जणांना मरणाची चिंता ग्रासू लागते, कुटुंबीयांच्या प्रेमात बुडालेले बहुतेक जण आणखीन काही दिवस जगण्याची तळमळ करू लागतात. अशाच लोकांसाठी शास्त्रज्ञांनी एक चांगली बातमी दिली आहे. ह्या शास्त्रज्ञांनी 117 वर्षे वयापर्यंत जगलेल्या महिलेची तपासणी केली आणि दीर्घायुष्याचे काही रहस्य शोधून काढले आहेत.

तुम्ही देखील दीर्घायुष्य जगण्याचे स्वप्न पाहतात का? जर असे असेल तर तुमच्यासाठी एक आनंदाची बातमी आहे. शास्त्रज्ञांनी अलीकडच्या काळात 117 वर्ष जगलेल्या महिलेच्या डीएनएचा अभ्यास केला आहे. शास्त्रज्ञांनी केलेल्या ह्या संशोधनातून असे दिसून आले आहे की, तिचे हे असाधारण दीर्घायुष्य तिच्या निरोगी जीवनशैलीमुळे आणि आहार व आहारातील एका पदार्थामुळे होते.

गिनीज वर्ल्ड रेकॉर्ड्सनुसार, १७ जानेवारी २०२३ पासून त्यांच्या मृत्यूपर्यंत जगातील सर्वात वृद्ध महिला मारिया मोरेरा ह्या होत्या.

मारिया मोरेरा ही जगातील सर्वात वृद्ध जिवंत व्यक्ती होती. मारिया मोरेरा यांनी पहिले महायुद्ध आणि दुसरे महायुद्ध यासारख्या ऐतिहासिक घटना जिवंतपणी पाहिल्या. ऑगस्ट 2024 मध्ये वयाच्या 117 व्या वर्षी त्यांचे निधन झाले. मारिया मोरेरा यांची मुलगी रोझा ह्या म्हणाल्या की तिची आई मारिया मोरेरा कधीही गंभीर आजारी नव्हती परंतु तिच्या नंतरच्या काळात तिची श्रवणशक्ती आणि दृष्टी थोडी कमकुवत झाली होती.

अधिक वाचा: थंडीच्या दिवसांमध्येच हार्ट अटॅकचा धोका का वाढतो? जाणून घ्या सर्व माहिती!

आज-काल जगातील प्रत्येक जण दीर्घायुष्यासाठी नवीन नवीन वेलनेस ट्रेंड, सप्लीमेंट्स आणि वायरल हेल्थ टिप्स पाठलाग करताना दिसत आहेत. संपूर्ण जगात असे काही लोक आहेत जे त्यांच्या दैनंदिन दिनचर्यांमुळे दीर्घायुष्य जगत आहेत. 110 वर्षांपेक्षा जास्त आयुष्य जगत असलेल्यांना सुपरसेंटीनेरियन असे म्हटले जाते. अशीच एक महिला मारिया मोरेरा ह्या होत्या. मारिया मोरेरा यांनी 117 वर्षांचे दीर्घ आणि आनंदी आयुष्य जगल्या होत्या. मारिया मोरेरा यांच्या दीर्घआयुष्याबद्दल शास्त्रज्ञांनी अनेक शोध लावले आहेत.

मारिया मोरेरा यांचा जन्म 4 मार्च 1907 रोजी सैन फ्रांसिस्को (अमेरिका) मध्ये झाला आणि त्यांचा मृत्यू 19 ऑगस्ट 2024 रोजी स्पेन येथे झाला. मारिया मोरेरा यांनी आयुष्यात अनेक ऐतिहासिक घटना पाहिल्या. त्यामध्ये दोन महायुद्धे, अनेक महामारी आणि वैद्यकीय क्रांतींचा समावेश आहे. परंतु शास्त्रज्ञांना आश्चर्यचकित करणारी गोष्ट म्हणजे मारिया मोरेरा यांचे वय वाढलेले असूनही त्या मानसिक दृष्ट्या तीष्ण, सामाजिकदृष्ट्या सक्रिय आणि वयाशी संबंधित गंभीर आजारांपासून मोठ्या प्रमाणावर दूर होत्या.

शास्त्रज्ञांनी मारिया मोरेराच्या मायक्रोबायोम आणि डीएनएवर संशोधन केले. शास्त्रज्ञांनी केलेल्या या संशोधनातून आश्चर्यकारक निकाल समोर आले. शास्त्रज्ञांना असे आढळून आले कि मारिया मोरेराच्या शरीराचा मायक्रोबायोम मुलासारखा दिसत होता. शिवाय, मारिया मोरेराचे जीन्स लक्षणीयरीत्या वेगळे होते.

मारिया मोरेराच्या निरोगी जीवनशैलीमुळे आणि संतुलित आहारामुळे तिचे आयुष्य 117 वर्ष आनंदी जगता आले. मारियामध्ये चांगले कोलेस्टेरॉलचे प्रमाण, उत्कृष्ट रक्तातील साखरेचे प्रमाण आणि निरोगी जीवनशैली होती. शास्त्रज्ञांचा असा विश्वास आहे की, यामुळेच मारिया मोरेराच्या दीर्घायुष्याला हातभार लागला. शास्त्रज्ञांना आशा आहे की मारिया मोरेराच्या डीएनए अभ्यासातून मिळालेल्या माहितीमुळे वृद्धत्वविरोधी औषधांमध्ये प्रगती करता येऊ शकते. शिवाय, या संशोधनातून हे देखील माहित झाले आहे कि कोणता पदार्थ दीर्घायुष्याला हातभार लावू शकतो.

परंतु कदाचित तुम्हाला असा प्रश्न पडला असेल की, मारिया मोरेराने असे काय वेगळे केले की ज्यामुळे तिला 117 वर्ष इतके जास्त आयुष्य तिला जगता आले. चला तर मग तुम्हाला मारिया मोरेराच्या दीर्घायुष्याचे रहस्य सांगूया. दही हे तिच्या नियमित आहारातील एक प्रमुख घटक होता, ज्यामुळे तिच्या पोटात आणि पचनसंस्थेत चांगले बॅक्टेरिया टिकून राहत होते. मारिया मोरेरा हिने कधीही दारू पिली नाही किंवा सिगारेट देखील ओढली नाही. मारिया मोरेरा हि खूप हलका आणि पौष्टिक आहार घेत असे, शक्यतो मारिया मोरेरा तेलकट किंवा मसालेदार पदार्थ टाळत असे. ती नेहमीच आनंदी असायची आणि छोट्या छोट्या गोष्टींमध्ये आनंद शोधत असे. ती तिच्या कुटुंबासोबत जास्त वेळ घालवत असे, ज्यामुळे ती मानसिक ताणतणावापासून दूर राहत असे.

117 वर्षीय मारिया मोरेरा यांचा असा विश्वास होता की, त्यांचे असाधारण दीर्घायुष्य मजबूत कौटुंबिक संबंध, सकारात्मक दृष्टिकोन, हानिकारक लोकांपासून दूर राहणे, संतुलित आहारात आणि दहीला रोजची सवय बनवणे यामुळे आहे.

अधिक वाचा: हिवाळ्यात आरोग्याची कशी घ्याल काळजी? संपूर्ण माहिती वाचा

Maria Branyas Morera यांच्या आहार आणि खाण्याच्या सवयी:

जेव्हा शास्त्रज्ञांनी मारिया मोरेराच्या शरीराचा अभ्यास केला तेव्हा शास्त्रज्ञांना तिच्या सवयींपैकी एक सवय माहिती झाली ती म्हणजे तिच्या दररोजच्या आहारात दही सेवन करणे हे होय. असे म्हटले जाते की मारिया मोरेरा गेल्या २० वर्षांपासून दिवसातून तीन वेळा – सकाळी, दुपारी आणि संध्याकाळी साधे दही खात होती. कोणतेही महागडे सुपरफूड्स नाहीत, कोणतेही ट्रेंडी आरोग्य उत्पादने नाहीत, फक्त साधे दही. दही हे तिच्या आहाराचा मुख्य भाग होते, ज्यामध्ये भाज्या, फळे, संपूर्ण धान्य आणि निरोगी चरबी देखील समाविष्ट होत्या. शास्त्रज्ञांच्या मते, नियमित दही खाणे हा महत्त्वाचा घटक होता.

Maria Branyas Morera यांच्या दैनंदिन आहारात दह्याचा समावेश:

मारिया मोरेरा यांच्या दैनंदिन सवयींपैकी एक म्हणजे दही खाणे. तिला दह्याच्या असंख्य आरोग्यदायी फायद्यांवर विश्वास होता आणि तिने त्याला तिच्या आहाराचा एक नियमित भाग बनवले होते. जरी दीर्घायुष्यावर दह्याच्या थेट परिणामाबद्दलचे संशोधन अनिर्णित असले तरी, त्यातील उच्च प्रथिन सामग्रीमुळे आणि प्रोबायोटिक्समुळे आतड्यांच्या आरोग्यासाठी फायदेशीर असल्याने त्याची शिफारस केली जाते. विशेष म्हणजे, एका अभ्यासात असे आढळून आले आहे की दह्याच्या सेवनाने आतड्यातील सूक्ष्मजीवांची विविधता वाढू शकते, ज्याचा संबंध चांगल्या पचनाशी, सुधारित रोगप्रतिकारशक्तीशी आणि अगदी मेंदूच्या सुधारित आरोग्याशी जोडला गेला आहे.

Maria Branyas Morera यांची निरोगी जीवनशैली सुद्धा जबाबदार आहे:

असे म्हटले जाते की केवळ दहीच नाही तर त्यांची संपूर्ण निरोगी जीवनशैली सुद्धा याचा एक महत्वाचा भाग आहे, म्हणून मारिया मोरेराच्या दीर्घायुष्याचे श्रेय केवळ दह्याला देता येत नाही. ती दररोज तिच्या क्षमतेनुसार शारीरिक हालचालींमध्ये व्यस्त राहिली, लोकांशी जोडलेली राहिली आणि धूम्रपान आणि जास्त मद्यपान यांपासून दूर राहत असे. दीर्घायुष्याचे रहस्य महागड्या पूरक आहारांमध्ये नसून, लहान, साध्या आणि सातत्यपूर्ण दैनंदिन सवयीं टिकवून त्यामध्ये नियमितता ठेवणे हे आहे.

Maria Branyas Morera यांच्या रक्तातील चरबी आणि साखरेचे प्रमाण कमी:

संशोधकांना असे आढळून आले की मारिया मोरेरा यांच्या रक्तात चरबी आणि साखरेचे प्रमाण कमी होते. शिवाय, त्याच्या पेशी सरासरी व्यक्तीपेक्षा हळूहळू वृद्ध होत होत्या.

मारिया ब्रान्यास मोरेरा ही एक अमेरिकन-स्पॅनिश वयस्कर महिला होती. जी ११७ वर्षे आणि १६८ दिवस चांगले व आनंदी जीवन जगली. १९ ऑगस्ट २०२४ रोजी मारिया ब्रान्यास मोरेरा यांचे निधन झाले. मारिया मोरेरा हि तिच्या मृत्यूपर्यंत जगातील सर्वात वृद्ध महिला होती. मारिया मोरेरा हिने कोविड-१९ लाही पराभूत केले होते मारिया मोरेरा हिच्या दीर्घायुष्याचे संपूर्ण श्रेय चांगले अनुवंशशास्त्र, दही सारख्या निरोगी आहार आणि सकारात्मक जीवनशैली (शांतता, चांगले संबंध, निसर्गाशी संबंध) यांना जाते.

एका अहवालानुसार, मारिया मोरेरा म्हणाली, “एक दिवस मी हे ठिकाण सोडून जाईन. मी पुन्हा कधीही कॉफी पिणार नाही, दही खाणार नाही. मी माझ्या आठवणी देखील मागे सोडून जाईल आणि या शरीरात माझे अस्तित्व संपेल. मला तो दिवस माहित नाही, पण तो खूप जवळ आला आहे.”

अधिक वाचा: हिवाळा येताच हाडे व सांधे दुखतात? काळजी करू नका, खा हा नाजूक पांढरा पदार्थ!

Maria Branyas Morera यांच्या दीर्घायुष्याचे रहस्य:

• आहार: नियमितपणे दही खाणे, जे त्यांच्या आतड्यांच्या आरोग्यासाठी खूप चांगले होते.
• जीवनशैली: सकारात्मक विचारसरणी, भावनिक स्थिरता, कुटुंब आणि मित्रांशी चांगले संबंध आणि निसर्गाशी संबंध.
• आनुवंशिकता: हृदयरोग आणि संज्ञानात्मक घट यापासून संरक्षण करणारे घटक त्यांच्या जीन्समध्ये होते.
• मानसिकता: चिंतामुक्त जीवन, कोणताही पश्चात्ताप नाही, सकारात्मक राहणे आणि आनंदी राहणे.

विशेष:

• मारिया मोरेरा यांनी त्यांच्या आयुष्यात 2 महायुद्धे, 1 साथीचा रोग (कोविड-19) आणि असंख्य वैज्ञानिक आणि वैद्यकीय क्रांती पाहिल्या.
• मारिया मोरेरा यांच्या मृत्यूनंतर, जगातील सर्वात वृद्ध व्यक्तीचा किताब जपानच्या टोमिको इटूका यांना देण्यात आला.

ही माहिती विविध संशोधन अहवाल आणि सार्वजनिक उपलब्ध माहितींवर आधारित आहे.

निष्कर्ष (Conclusion):

Maria Branyas Morera यांच्या आयुष्याची कहाणी आपल्याला एक महत्त्वाचा संदेश देते की दीर्घायुष्य मिळवण्यासाठी महागडी औषधे किंवा ट्रेंडी सप्लिमेंट्स आवश्यक नसतात. संतुलित आहार, नियमित दहीसारखे पौष्टिक अन्न, सकारात्मक विचारसरणी आणि कुटुंबासोबतचे मजबूत नाते या साध्या सवयी देखील दीर्घ आणि निरोगी आयुष्य जगण्यासाठी खूप महत्त्वाच्या ठरू शकतात.

मारिया मोरेरा यांनी 117 वर्षांचे आनंदी आयुष्य जगून जगाला दाखवून दिले की निरोगी जीवनशैली, मानसिक शांतता आणि नियमित चांगल्या सवयी यामुळे आयुष्याची गुणवत्ता मोठ्या प्रमाणात सुधारू शकते. त्यामुळे आपणही आपल्या दैनंदिन जीवनात लहान-लहान आरोग्यदायी सवयी अंगीकारल्यास दीर्घ आणि निरोगी आयुष्य जगण्याची शक्यता वाढू शकते.

FAQs:

1) Maria Branyas Morera किती वर्षे जगल्या?
Maria Branyas Morera ह्या 117 वर्षे आणि 168 दिवस जगल्या.

2) त्यांचे दीर्घायुष्याचे रहस्य काय होते?
संतुलित आहार, नियमित दही सेवन, सकारात्मक विचार आणि मजबूत कौटुंबिक संबंध.

3) सुपरसेन्टेनरियन म्हणजे काय?
110 वर्षांपेक्षा जास्त आयुष्य जगणाऱ्या व्यक्तींना सुपरसेन्टेनरियन म्हणतात.

4) दही खाल्ल्याने खरोखर दीर्घायुष्य मिळते का?
दहीतील प्रोबायोटिक्स पचनसंस्था आणि आतड्यांच्या आरोग्यासाठी फायदेशीर असतात.

तुम्हाला काय वाटते, दीर्घायुष्याचे खरे रहस्य काय असू शकते?
तुमचे मत आम्हाला Comment मध्ये नक्की सांगा आणि हा लेख तुमच्या मित्रांबरोबर Share करा.

Disclaimer: प्रिय वाचकांनो, हा लेख केवळ सामान्य माहितीसाठी लिहिण्यात आला आहे. यामध्ये कोणत्याही प्रकारच्या उपचाराचा दावा करण्यात आलेला नाही. हा कोणत्याही प्रकारे वैद्यकीय मताचा पर्याय नाही. कोणताही उपाय करण्यापूर्वी डॉक्टरांचा सल्ला घेणे आवश्यक आहे.

Author: नमस्कार, माझे नाव मनोज आहे. मला आरोग्य, सरकारी योजना, व्यवसाय कल्पना, जीवनशैली, धर्म, इतर माहिती आणि ताज्या बातम्यांशी संबंधित विषयांवर लेख लिहिण्याचा 3 वर्षापेक्षा अधिक अनुभव आहे. मी नेहमीच सोप्या, स्पष्ट आणि विश्वासार्ह माहिती सोप्या मराठी भाषेत देण्याचा प्रयत्न करतो, जेणेकरून प्रत्येक वाचकाला अचूक बातम्या आणि उपयुक्त माहिती मिळेल. डिजिटल मीडियासाठी तथ्यात्मक आणि वापरकर्ता-अनुकूल माहिती लिहिणे ही माझी प्राथमिकता आहे. 24